212

1444 Februar 17

Datum anno domini millesimo Quadringenesimo quadragesimo quarto feria secunda post Valentini

Abt. VII, Nr. 1,4

Ehevertrag zwischen Anna Riedesel und Ulrich von Cronberg: "Ich Herman Ryettesel, rytter, erbemarschalg zu Hessen und ich Phlips von Cronenberg, rytter, bekennen offfintlich mit dysem brife, daz wir recht und redelichen unser kinde zu der heyligen ehe zusamen gegebin han noch lude eyns hinleiches, mit namen: ich Phlips von Cronenberg Ulrichen, mynen sone, unde ich Herman Ryettesel, rytter, obgeschriben, Annen, myne dochter. Unde han ich Phlips obgeschriben Ulrichen, myme sone, unde Annen, myner dochter, zu zugelde und hinlech gegeben fünfzehinhundert gulden, so han ich Herman Ryettesel obgeschriben gegeben Annen, myner dochter, unde Ulrichen, myme sone unde eyden, fünfzehinhundert gulden auch zu zugelde und hinleich, dye wir yne dan also beydersyt gegeben han zu zugelde nach wyedemsrecht unde landesgewonheit, unde sy sollen darmide unverschalden sin beyde erbes unde zufals unde, was yne von erbe oder andirs usersterben unde werden maag,an geverde,Unde han ich Phlips obgenannt Annen, myner dochter, gegeben einen seß zu Cronenberg mit namen Kaldenfels, dy husunge und hobereyde, mit irmebegryffe, daz ich dan gekauft unde an mich gebracht han umb Thomas von Schwalbach, daz si also dan besiezen unde sich gebruchen mocht noch llude dez hinleichs, an geverde. Unde ist beredt: (1)Wer is sache, daz der obgenant Ulrich und Anna finder mit eynander hetten, unde ginge Ulrich obgeschribenabe vin dodes wgen,ehe dan Anna, sin eheliche husfrauwe daz got lange verhalden wulle, unde liße als erben, dy sy zweye mit eynander hetten, so mochte dy obgenannt Anna bey iren finden bliben, also ferne sy unde ire kinde sich dez vertagen mochten nach rade irer frunde, unde sich irer beyder gudes gebruchen; mochten sy sich aber dez nit vertagen, so sulde der obgenannten Annen folgen unde bliben dryetüsent gulden unde ir seß vorgerürt unde dazu eyn drytteyl ire farnder habe,dy sy zwey alsdan mit eyn gehabt hetten, daz si dan also besiezen unde haben sulde ir lebtag unde nit lenger. (2) Unde wer is sache, daz der obgenannt Ulriche uberlebt Annen, sin elichen husfrauwe, so sulde er er auch bey solichen guden obgeschriben bliben siezen unde sich der auch gebrüchenine obgeschribner maße.(3) Unde wer is, daz si also beydersyt von dodes wegen abgingen unde nit libeserben lißen, so sulde dyß obgeschriben gelt und güt, unde was yne noch usersterben mag, igliches wider hinder sich fallen und komen an dye stemme unde nesten erben, da es dan herkommen were oder komen mocht, mit namen an hern Herman Ryettesel unde sin nesten erben vor eynen unde hern Phlips von Cronenberg unde sin nesten erben uf dy anderen syten Unde sal dys obgeschriben alles also cganze unde gare hehalden unde folnzogen werden unde sych nymant darwider serzen geistliche oder werntlichen, heymliche oder offinbare ine dheine wyse, dy menschenherze erdenken mochte, an geverde. Unde han ich Herman Ryettesel, rytter obgeschriben, unde ich Philips von Cronenberg, rytter, obgeschriben unser iglicher sin zugelt gelacht hinter den festen Franken von Cronenberg den jungen, unsern swoger unde vettern, bys das soliche zugelt angelacht unde verforget wirt. Unde man sulche gelt angelacht wirt, so sal man sulche brife, als dan daruber gegeben werden, wider legen hinder Francken obgenant, aber es zu sulchem widerfalle queme, da got vor sy, dazu beyde parteye dann damide verforget werden, dez man Francken vorgenant brife geben sal unde wider von yme nemen, wy er sulches halden unde damide umgehin sülle, an geverde. Dys alles zu eyme waren urkunde unde bekentniße, han ich Herman Ryettesel, rytter obgeschriben, unde Phlips von Cronenberg, rytter obgeschriben, unser iglicher sin ingesigel an dysen brif tun hengken. Unde zu merer sicherheid han ich Herman Ryettesel obgeschriben gebeden dy vesten Heinrich von Eringshusen unde Hennen von Dernbach, myn lieben sweger, ir iglichen, sin ingesigel hiran zu henken, unde ich Phlips von Cronenberg obgenannt han gebeden dy nesten Phlipssen, myn brüder, unde Francken den jungen von Cronenberg, mynen vettern, ir iglicher sin ingesigel auch an dysen brif zu henken, dez wir obgeschribene Heinrich von Eringshusen, Henne von Dernbach uf hern ermans syten und wir Phlips syten uns alle also bekennen, umb ir gutlicher bede willen getan han".

"Heuratsbrieff zwisch(en) her Philippen Ritters Sohne Vlrich von Cronbergk vnd hern Herman Riedesel Ritters dochter Junferns Anna A(nn)o 1444

- Hermann Riedesel
- Philipp von Cronberg
- Heinrich von ..husen (Schwager von Hermann Riedesel)
- Henne von Dernbach (Schwager von Hermann Riedesel)
- Philipp von Cronberg (Bruder von Philipp)
- Frank d. J. von Cronberg

Ausfertigung, Pergament (22,1 x 35,7 cm) mit ursprünglich sechs anhängenden Siegeln (1 gut erhalten, 4 fehlt, die übrigen Siegel beschädigt)

Regest: Becker, Urkundenbuch, Nr. 668