128

1422 April 18

Datum anno domini millesimo quadrinentesimo vicesimo secundo sabato proximo ante dominicam Quasimodogeniti

Abt. 70 Nr. 1,5

Landgraf Ludwig [I., der Friedsame] zu Hessen belehnt Eckhard und Friedrich von Röhrenfurth mit dem Erbmarschallamt. ?
Wir Ludewig von Gotis Gnaden lantgrave zu Hessen bekennen vor uns und unser erbin ussintlich in diesem briefe: solich / unser erbemarschalgampt, als die von Eysenbach von unser aldern und dem furstentume zu Hessen zu erbelin gehabt / und getragen han und nu her Rorich von Eysenbach, rittir, unser liebir getruwer uns solich unser erbemarschalgampt vor sich / und alle sine erbin uffgegebin und uffgeladen had und genzlich daruff virzegen in syme uffin versigilten briefe, den wir daruber han, so han wir angesehin und erkant getruwenund nuzlichen dinst, den uns unser liebin heymelichen und getruwen Eghard und Frederich von Rorenfurt gebruder sint unsers vattir seligen tode in unsern kyntlichentagen willerlich getan han, sunderlichs als sie unser lande und lute von unser wegen ernstlich und redelich verstanden und unser bestes getruwelich getanhan und noch vorbassir tun mugen in kunftigen zyten, und han den vorgenanten Egharde und Frederich gebrudern und iren libeslehinserbin dasselbe unser marschalgampt mit allen sinen herlichfeyden, eren , rechten und nuzen, als von alder dazu gehort had, zu erbelehin geluhen und luhin un daz also geinwurterlich an diesem briefe, und si und ire libeslehinserbin solln dasselbe unser marschalgampt von uns, unsern erbin und dem furstentumes zu Hessen erbemarschalgke davon sin und daz auch getruwelich vertehin, virdienen und entphaen, als eyme erbemarschalgke zugeboret und vor rechte tun soln, als digke des noid ist, ane geverde. Wir und unser erbin woln sie und ire erbin auch by solichen lehin und marschalgampt getruwelich hanthaben, schirmen und behalten, wo yn des noid ist, auch ane geverde. Dieß zu urkunde han wir unser ingesiegel an diesen brief tun hengken.

Aussteller
Siegelankündigung: "han wir uns(er) Inges(igel) an diessen brieff tun hengken"
Siegel: d = 35 mm, in einem lang gezogenen Sechspass das schrägrechts gestellte hessische Stamm-wappen mit Helmzier (zwei Büffelhörner mit sieben Lindenzweigen besteckt), unter dem Helm ragt die realistisch gestaltete Helmdecke hervor, Umschrift: s(igillum)* ludewici * lant * / gravii * hassie *

Ausfertigung, Pergament (17,2 x 32,6 cm) mit anhängendem Siegel (gut erhalten)

Regest: Becker, Urkundenbuch, Nr. 390