Identifikation (Urkunde)
Datierung
19.02.1331
Originaldatierung
dinstage for sant Peters dage alz er vf den stuol gesetzet wart.
Alte Archivsignatur
No. 85.
Vermerke (Urkunde)
(Voll-) Regest
Heinrich Rude von Kollenbergh legitimiert seinen mit Engel erzeugten vorehelichen Sohn Heinrich und regelt dessen Erbe.
Ich, .. Heinr[ich] Ruode, ritter von Kollenbergh, duon kuont allen den, die disen brif an sehen oder horen lesen, daz ich, Heinrichen, minen suon geelichet han vnd auch sine muter .. Engellin gekoren zu seiner elichen frawen, reich vnd redelich, mime sune Heinr. zu eren vnd miner sele zu heylle. Want sin muter ein ledige juncfrawe waz vnd auch ich ledig waz dez malez, du min sun Heinr. gezilet wart, vnd auch itzunt beide ledig sin. Vnd ist auch geschehen mit mime guten willen vnd mit rade miner bichher. Vnd ist auch zu wissene, daz ich, der forgenant Heinr. Ruode, sol geben Heinr., mime sune, vnd siner muter, miner elichen wirten, zwei hundert phunt heller guter wervnge fur allez daz gut, daz ich laße noch mime tode, ez ein were dan, daz .. Wiprech, min sun, abe ginge an erben, dez Got nicht ein wolle. Geschehe aber daz, daz er ferfure ane erben, so sol .. Heinrich min sun daz gut erben an alle geverde gentzlichen vnd gar. .. Ich Heinrich an angest du auch wissende vnd kunt an disem gegenwortigen brufe, daz ich .. Wiprechen minen bruder noch sine erben nummer sol an gesprechen noch bekummerer (sic) vm keinerhande gut nach minez vater tode. Vnd dez han ich ich (sic) zu den heilgen gesworen einen gestaben eyt, war vnd stede zu haltene an alle geuerde. Hi bi sint gewesen die erbern geystlichen herren hi nach gescriben stein: .. her Friderich von Glasehofen, min oheim, ein herren zu Amorbach sant Benedicten orden, vnd her .. Richolf, min bicher de ordenz sant Augustinez vnd her .. Johannes ein werltlich prister von Frankenberg, den kunt vnd wissende ist vm di forgeschriben elichen sache vnd auch minez sunez gelubede alz forgescriben steit. Vnd dez zu eime waren vrkunde vnd zu gezucnisse aller der forgescriben rede vnd forwort han ich .. Heinr. Ruode der vorgenant dissen brif gegeben .. Heinrich mime sune mit mime eygen ingesigel vnd mit der driger erbern prister ingesigel, di durch miner bete willen ire ingesigelle zu dem mime hant gehenken an dissen bruf. .. Ich, Friderich von .. Glasehofen, .. burder (sic), .. Richolf Augustiner, vnd ich, .. Johannez von Frankenberg bekennen vnd veriehen, daz wir mit gutem willen vnd durch bete willen dez e gescribenen erbern mannez, .. hern .. Heinrichez Ruode zu gezucnisse aller der forgescriben elichen sache vnd gelubede vnser iclicher sin eygen ingesigel hat gehenket an disen brif. Diz ist geschehen du man zalte nach .. Crustez geburten druzehen hundert jar vnd dar nach in dem ein vnd drizigesten jare an dem nesten dinstage for sant Peterz dage alz er vf den stul gesetzet wart.
Siegler
S.: Heinrich Ruode, Friderich von Glasehofen, Richolf und Johannez von Frankenberg (alle fehlen).
Formalbeschreibung
Ausfertigung
Deskriptoren
Personen: Rüth von Kollenberg, Heinrich; Engel; Rüth von Kollenberg, Heinrich von d.J.; Rüth von Kollenberg, Wiprecht; Glasehofen, Friedrich von; Richolf; Frankenberg, Johannes von;
Sachbegriffe: Legitimierung;
Körperschaften: Kloster Amorbach
Orte: Amorbach;
Informationen / Notizen
Zusatzinformationen
Nicht bei BL!
Beschreibstoff: Pergament.
| Aktion | Typ | Bezeichnung | Zugang | Info |
|---|---|---|---|---|
| Detailseite | Original | Urkunde |
|
Arcinsys